Çin Zavod Nümayəndələrinin Caspos MMC-yə Rəsmi Səfəri
2025-ci il aprelin 28-də Caspos MMC-nin ofisində beynəlxalq əməkdaşlıq çərçivəsində əlamətdar bir görüş baş tutdu. Şirkətimizə ABS 1900 model kassa aparatlarının istehsalçısı olan Çin zavodunun nümayəndə heyəti rəsmi səfər etdi.
Görüşdə aşağıdakı nümayəndələr iştirak edirdi:
Zavodun Baş Direktoru
Beynəlxalq Əlaqələr üzrə Direktor
Baş Mühəndis və Texniki heyətin Rəhbəri
Səfərin əsas məqsədi — Azərbaycan bazarının tələblərinə uyğun texniki həllərin müzakirəsi, fiskal uyğunluqlar və gələcəkdə birgə texnoloji inkişaf istiqamətləri üzrə əməkdaşlığın gücləndirilməsi olmuşdur.
Görüş zamanı Caspos MMC tərəfindən təqdim olunan lokal istifadə təcrübələri, müştəri geribildirimləri və qanunvericiliyə uyğun texniki tələblər qarşı tərəflə geniş şəkildə bölüşüldü.
Tərəflər, gələcək əməkdaşlığa dair möhkəm və strateji əsasların mövcudluğunu vurğuladılar. Caspos MMC olaraq inanırıq ki, bu əməkdaşlıq innovativ, güvənli və müştəriyönümlü kassa həllərinin ölkə bazarına təqdimatında yeni mərhələnin başlanğıcı olacaq.
