Dünya Azərbaycanlılarının Həmrəylik Günü və Yeni il münasibəti ilə əlaqədar Caspos şirkəti korporativ təbdir keçirib.
Tədbirdə əvvəlcə Azərbaycan Respublikasının Dövlət himni səslənib, ardınca isə Respublikamızın suverenliyi və ərazi bütövlüyü uğrunda canlarından keçən şəhidlərimizin əziz xatirəsi ehtiramla anılıb.
Tədbiri giriş nitqi ilə açan İdarə Heyətinin Sədri Faiq Əzizov soydaşlarımızın həmrəyliyi ideyasının Azərbaycan xalqı üçün olan əhəmiyyətindən danışıb, Həmrəylik Günü və Yeni il münasibəti ilə hər kəsi təbrik edib.
Daha sonra İdarə Heyətinin Sədri Faiq Əzizov şirkətimizin əməkdaşları ilə görüşündə 2023-cü il üzrə uğurlardan bəhs edərək, bu uğurun memarı olan əməkdaşlara təşəkkürlərini bildirdi.
Tədbir iştirakçılar arasında müxtəlif oyunlarla davam etdi, qaliblər seçildi, hədiyyələr paylandı. Əyləncəli və sürprizlərlə dolu yeni il şənliyində canlı ifalar, rəqslər, hədiyyəli müsabiqələr iştirakçılara bayram əhval-ruhiyyəsi yaşadıb.
