17 yanvar 2026-cı il tarixində CASPOS MMC-nin satış üzrə nümayəndələrinin iştirakı ilə korporativ görüşümüz baş tutdu. Görüşün əsas məqsədi ötən 2025-ci il üçün nəzərdə tutulmuş konkursun nəticələrini elan etmək və 2026-cı il üçün müəyyən edilmiş strateji hədəfləri bölüşmək idi.
Görüş zamanı sahə fəaliyyətinin effektivliyi analiz olunmuş, müştəri məmnuniyyəti və xidmət keyfiyyətinin yüksəldilməsi istiqamətində növbəti addımlar müzakirə edilmişdir. Görüşün yekununda şirkət dəyərlərini sahədə ən yüksək peşəkarlıqla təmsil edən və illik ən yüksək performans göstərən "İlin ən yaxşı nümayəndələri" həm fərdi uğurlarının rəsmi təsdiqi, həm də komanda daxili sağlam rəqabətin stimullaşdırılmasının nəticəsi kimi şirkət rəhbərliyi tərəfindən xüsusi mükafat və hədiyyələrlə təltif olundular.
CASPOS olaraq peşəkar komandamızın zəhmətini yüksək qiymətləndirir və 2026-cı ildə daha böyük uğurlara imza atacağımıza inanırıq.
